Medi 2022

Cofnodion y Cyfarfod Cychwynnol

Cafwyd cyfarfod cychwynnol o’r Cyngor Ysgol i drafod pa bwyllgorau plant fydd yr aelodau yn mynychu eu cyfarfodydd yn ystod y flwyddyn. Penderfynwyd rhannu yr aelodau fel hyn:

Iori

Gwenan

Martha

Llew

Hans

Gwerfyl

Osian a Leusa

Jac a Beca

Pwyllgor E-ddiogelwch (dan ofal Mr Wyn)

Pwyllgor Eco (dan ofal Mrs B Davies)

Pwyllgor Taclo’r Toiledau (dan ofal Mrs Hughes)

Pwyllgor Gorau Chwarae – Cyd Chwarae (dan ofal Mr Jones)

Pwyllgor Llesiant (dan ofal Mr Griffiths)

Y Siarter Iaith (dan ofal Mrs S Davies)

Pwyllgor Gwrth fwlio (dan ofal Mrs Ellis)

Pwyllgor Dyngarol (dan ofal Mrs Wigley)

Tasg gyntaf y Cyngor Ysgol fydd mynychu’r cyfarfodydd hyn a’u cynorthwyo i fwydo i mewn i’r cynllun ar gyfer y tymor.

Cafwyd sgwrs ynglŷn â gwerthu gwisg ysgol ail-law wrth y giât yn y boreau. Edrychwyd yn y bocsys dillad coll a gweld bod llawer wedi cael eu cyfrannu i'r ysgol a dillad heb enwau arnynt. Penderfynwyd y byddwn yn ceisio agor stondin un bore yr wythnos. Yr enw a benderfynwyd arno oedd 'Y Lein Ddillad'.

Hydref 2022

Cofnodion y Cyfarfod

Croesawyd pawb i’r cyfarfod a chytunwyd y dylwn ethol swyddogion ar gyfer y pwyllgor.
Etholwyd y canlynol:

Cadeirydd – Llew
Is-gadeirydd – Iori
Ysgrifennydd – Gwerfyl
Is-ysgrifennydd – Martha

Mae'r stondin 'Y Lein Ddillad' yn llwyddiannus iawn! Mae nifer helaeth o rieni wedi bod yn prynu gwisg ail-law yn y boreau, ac ers agor y stondin rydym wedi derbyn llythyr gan y Gweinidog Addysg Jeremy Miles yn annog ysgolion i wneud hyn - sef ceisio lleihau costau ar gyfer teuluoedd. Rydym wedi casglu £51 yn barod. Byddwn yn trafod yn nes at y Nadolig beth i'w wneud gyda'r arian yr ydym yn ei godi.

Criw 'Y Lein Ddillad' un bore o Hydref :-)

Hydref 2022

Cofnodion y Cyfarfod

Cafwyd cyfarfod yn ystafell Mr James amser cinio am gymeriadau y 4 diben. Ar ôl gwaith arbennig gan blant blwyddyn 2 a 6 yn creu 4 cymeriad yr un, fe yrron nhw'r syniadau i gyd at gwmni proffesiynol a wnaeth eu troi i mewn i 4 cymeriad anhygoel!

Ar ôl i'r cyngor ysgol drafod am dipyn, fe benderfynon ni wneud cwpwl o newidiadau i'r cymeriadau. Fe benderfynon bod angen i'r cymeriadau wisgo siwmperi yr ysgol i gysylltu nhw gyda'r ysgol, a'u bod yn perthyn i'w gilydd. Hefyd newidwyd lliwiau rhai o ddarnau y cymeriadau. Ychwanegon ni hefyd Y.G.A i bêl rygbi i ddangos ochr chwaraeon yr ysgol. Gobeithiwn mewn ychydig o ddiwrnodau y bydd y cymeriadau yn ôl wedi eu gwella ac yn anhygoel o wych :-)

(cofnodion gan Gwerfyl a Martha)

Aelodau'r Cyngor Ysgol yn trafod cymeriadau'r Pedwar Diben

Tachwedd 2022

Cofnodion digwyddiad

Un bore roedd yn rhaid i ni gyrraedd yr ysgol yn gynnar am 8:15 y bore er mwyn cwrdd gyda gweddill y Cyngor Ysgol, hefyd Cyngor Ysgol Plascrug a'r ddau Bennaeth sef Mr Williams a Mr Lewis. Daeth dynes Iechayd a Diogelwch i gwrdd gyda ni hefyd, sef Ann lloyd. Yn gyntaf cerddon ni lawr i'r Ganolfan Hamdden er mwyn gweld llif y traffig yno, yna aethom ar daith nôl ar hyd yr hewl i'r Ysgol Gymraeg a lawr tua Ysgol Plascrug. Sylwon ni fod lot fawr o bobl yn parcio ar y llinellau melyn, bod yna lot o draffic yno, a'i bod hi'n brysur iawn iawn. Byddwn yn cwrdd eto cyn hir.

(cofnodion gan Llew)

Cynghorau Ysgol yr Ysgol Gymraeg ac Ysgol Plascrug yn trafod problemau traffic ger yr ysgol a sut y gallwn wella'r sefyllfa.

Rhagfyr 2022

Cofnodion digwyddiad

Llongyfarchiadau mawr i Bwyllgor y Siarter Iaith ar eu gwaith campus yn ennill achrediad y Cam Aur fel rhan o Siarter Iaith Ceredigion.