Negeseuon
yr Wythnos
Mae'r Clwb Brecwast ar agor yn ddyddiol o 08:15
► Calendr
-----------------------
► Llythyr diweddaraf y Pennaeth 25/Hydref
Dydd Llun 21/10/24
- Cofiwch ddychwelyd eich archebion cardiau Nadolig erbyn heddiw os gwelwch yn dda
- Poburdd - bl.4,5a6 - bydd y myffins yn cael eu beirniadu heddiw gan Emma ein prif gogyddes
- Noson Agored 1 (cyfle i drafod cynnydd eich plentyn) - gwahoddiadau wedi eu hanfon drwy e-bost ar gyfer MS Bookings
Dydd Mawrth 22/10/24
- Noson Agored 2 (cyfle i drafod cynnydd eich plentyn) - gwahoddiadau wedi eu hanfon drwy e-bost ar gyfer MS Bookings
- Gŵyl Aml-sgiliau i fl.5a6 (prynhawn)
Dydd Mercher 23/10/24
- Gwasanaeth ysgol gyfan
- Ymweliad gan PCSO i rannu peryglon tân gwyllt a noson Calan Gaeaf
- Clwb yr Urdd i fl.2,4a6
3:30-4:30yp - cofiwch fod angen bod yn aelod o'r Urdd ar gyfer hyn
Dydd Iau 24/10/24
- Nofio i fl.4 a 6
- Gêmau hoci i fl.6 - tri thîm o'r ysgol yn chwarae'n wythnosol - gweld amserlen
- Diwedd yr hanner tymor
- Ysgol yn ail agor ar ddydd Llun 4ydd o Dachwedd
Dydd Gwener 25/10/24
- Diwrnod H.M.S - hyfforddiant staff
- Ysgol ar gau i blant
LAWRLWYTHIADAU
Newyddion
Mai 2014 |
|
EISTEDDFOD GENEDLAETHOL YR URDD, MEIRIONNYDD 2014 |
|
Aeth saith eitem i Eisteddfod Genedlaethol yr Urdd yn y Bala eleni, gyda thair ohonynt yn cyrraedd y llwyfan. Llongyfarchiadau mawr i'r Grŵp Llefaru a'r Grŵp Dawns Cyfansoddiad Creadigol ar ddod yn gyntaf yn eu cystadlaethau hwy, ac i'r Gerddorfa a ddaeth yn drydydd. Rhaid canmol ymdrechion yr holl ddisgyblion eraill a deithiodd i'r Bala yn ogystal - aelodau'r Côr, Côr Cerdd Dant, Grŵp Dawns Creadigol ac Ensemble Offerynnol - er na lwyddant i gyrraedd y llwyfan roedd eu perfformiadau o safon uchel ac rydym yn ddiolchgar iawn iddynt, yn ogystal â phawb a fu'n brysur yn eu hyfforddi a'u paratoi, am eu gwaith caled yn ystod yr wythnosau diwethaf. Edrychwn ymlaen i weld yr eitemau i gyd unwaith eto yn ein Cyngerdd Haf ar y 10fed o Fehefin. |
|
CAITLIN YN LLWYDDIANNUS WRTH DYWYS DEFAID |
|
Llongyfarchiadau mawr i un o ddisgyblion Blwyddyn 2 yr ysgol, Caitlin, ar ei llwyddiant arbennig yng Ngwyl Gwanwyn y Sioe Frenhinol yn ddiweddar. Llwyddodd Caitlin i ennill y dosbarth Tywyswyr ifanc 5-7oed yn Adran y Defaid. Mae Caitlin wrth ei bodd yn trin defaid, ac yn mynychu sioeau yn gyson yn ystod y flwyddyn. Da iawn ti Caitlin, a phob hwyl i ti arni eto yn y dyfodol. |
|
TAITH GERDDED NODDEDIG Y GYMDEITHAS RIENI AC ATHRAWON |
|
Cliciwch yma i weld y casgliad llawn (45 llun) |
Er gwaetha'r rhagolygon, daeth llygedyn o haul i wenu ar y daith eleni. Diolch i bawb a ddaeth i gefnogi'r daith gerdded eleni. Braf oedd gweld cynifer o gerddwyr - yn ddisgyblion, rhieni, perthnasau, staff a chyn-ddisgyblion yr ysgol yn mwynhau'r tywydd braf a chael mynd am dro ar hyd y llwybrau gwahanol: ar hyd rhodfa Plascrug ar gyfer y plant bach; a draw i'r cae criced ac yn ôl i'r plant hŷn. Diolch yn arbennig i Daniel Davies, cyn ddisgybl yr ysgol ac un a fydd yn cystadlu yng Ngwyl Seiclo Aber am agor y daith, a hefyd i gwmni Tŷ Nant am noddi'r digwyddiad eleni eto, ac am gyfrannu cannoedd o boteli o ddŵr i bawb gael dorri'u syched ar y noson. |
DATHLU LLWYDDIANT |
|
Llongyfarchiadau i'r plant canlynol ar eu llwyddiant mewn amryw o feysydd gwahanol yn ddiweddar: Steffan : Cyntaf mewn cystadleuaeth ysgrifennu adolygiad o lyfr a drefnwyd gan Brifysgol Rhydychen Da iawn chi blant |
|
GWOBRAU LLENYDDOL I GWEN A TOMOS |
|
Llongyfarchiadau gwresog iawn i Gwen o flwyddyn 5 ac i Tomos o flwyddyn 6 ar eu llwyddiant diweddar mewn ysgrifennu creadigol. Pleser mawr oedd derbyn amlen ag ynddi dystysgrifau a medalau Eisteddfod Genedlaethol yr Urdd a oedd yn nodi fod Gwen wedi ennill cystadleuaeth Rhyddiaith i fl.5a6, a Tomos yn drydydd yn y gystadleuaeth barddoniaeth i fl.5a6. Gwych! Darllenwch eu gwaith yma: |
|
TÎMAU HOCI YR YSGOL YN CWRDD YN Y ROWND DERFYNOL |
|
|
Ar noson ola'r cystadlaethau hoci am eleni cynhaliwyd twrnament ar gaeau-pob-tywydd y Brifysgol gyda dau o dîmau'r ysgol yn cyfarfod yn y ffeinal. Fodd bynnag, Taranau aeth â hi (tîm disgyblion blwyddyn 6) wedi iddynt frwydro'n galed yn erbyn Mellt (tîm disgyblion blwyddyn 5). Roedd hi'n gêm agos iawn gyda phawb yn ymdrechu'n galed dros eu tîm) Diolch yn fawr i bawb a fu ynghlwm yn y trefniadau ar gyfer y gynghrair eleni; diolch hefyd i staff yr ysgol sydd wedi bod yn brysur yn hyfforddi'r plant trwy'r flwyddyn; a diolch i'r rhieni am eu presenoldeb a'u cefnogaeth trwy gydol y tymor (yn enwedig ar y nosweithiau oer, gwlyb a gwyntog dros fisoedd y gaeaf!) |
EITEM GYDA TOMMO AR RADIO CYMRU |
|
Croesawyd Tommo o Radio Cymru i'n plith heddiw wrth i rai o ddisgyblion yr ysgol gymryd rhan mewn eitem sydd ganddo ar Radio Cymru. Prynhawn dydd Mawrth a dydd Iau nesaf bydd y disgyblion yn ateb cwestiynau go wahanol ar gyfer yr eitem. Edrychwn ymlaen i glywed beth fydd ganddynt i'w ddweud! |
|
EISTEDDFOD CALAN MAI ABERYSTWYTH |
|
Cliciwch yma i weld y casgliad llawn (88 llun) |
Cynhaliwyd Eisteddfod Calan Mai Aberystwyth am yr ail flwyddyn eleni a braf oedd gweld cynifer o blant yr ysgol yn cystadlu. Yn y lluniau mi welwch disgyblion o bob oed yn cystadlu mewn sawl gwahanol gystadleuaeth gan gynnwys canu, llefaru, actio, dawnsio, bwyta bisgedi heb ddwylo (!) a braf oedd gweld yr Ensemble Offerynnol sydd eisoes wedi cyrraedd y Genedlaethol yn cystadlu hefyd. Diolch i bawb a fu'n trefnu, a diolch i Tegwen Morris am y lluniau. |
GWOBRAU GWYDDONIAETH |
|
Llongyfarchiadau i bawb yn y llun ar eu llwyddiant yn y gystadleuaeth a gynhaliwyd yn ystod ein hymweliad ag Arddangosfa Wyddoniaeth y Brifysgol yn ddiweddar. Wrth grwydro'r arddangosfa roedd yn rhaid i'r disgyblion ateb nifer o gwestiynau gwahanol yn gywir, a llwyddodd i'r disgyblion yma gyrraedd y brig. Diolch unwaith eto i Brifysgol Aberystwyth am drefnu ac am eu gwobrau arbennig. |
|
« Newyddion Ebrill | |